يوميات تــاكسي ( قصص واقعية من الشوارع السعودية) :

::امرأتان تؤشران في الطريق ..
- تكسي تكسي
- نعم ..
- كم توصلنا العليا ؟
- 25 ريال
- غالي وأنا اختك ..
- اذا 25 غالي , أجل وشو له تروحين العليا ؟ .. خليك في منفوحة أزين ..
** .. مزنة تقاطع حصة ..
-حصة .. أعطيه 25 ولا تفشلينا ..
.. أنا أناظرهم وأضحك بيني وبين نفسي ..
- يلله يا تكسي خذ 25 الله يعين على الدنيا ..
.
.
ترن ترن .. - جوال مزنة يدق ..
-هلوه .. هلا ..
.. أنا الحينه مع اللموزين رايحين العليه .. الا ودي أسألك وش اسم المحل اللي تاخذين فساتينك منه ؟ ..
وش هو موزه ؟ .. دقيقة بالله
- تكسي خذ بالله شوف المحل اللي تقول هذي وشو ..
- الو
- هلا تكسي .. المحل اسمه مايموزا .. عرفته ؟
- ايه عرفته - أقولها وأنا أناظر في المرايه للبراقع وأقول : ايه .. هين مايموزا ..
- مع السلامه ..
.. مزنه توتوت لحصة ..
وصلنا مايموزا ..
حصه تقول لمزنه ..
- مزنه وأنا اختك .. وش ذا السيارات كلها من اللي تطلع في الأخبار والدعاية .. وحنا معانا تكسي وجايين هنا ؟
- .. خير وش فيه التكسي ؟ .. لولا الله ثم أنا كان ما جيتوا هنا ..
- ما أقصد كذا ...
......
- هات الحساب بس ..
- خذ ..
- خليه ينتظرنا ..
- تقدر تنتظرنا ؟
بس تعطوني خمسه ريال زيادة ..
- أبشر ..
....
.
.
.
انتظرت , وأنا عارف النتيجة.
مرة تسلفت فلوس عشان أشتري لزوجتي فستان منه .
-تكسي افتح الباب
.. حصه و مزنه يعودون إلى حيث أتوا بدون شئ
- غالين الله يلعنهم , والله لو إننا بنشتري سيارة
..... قاطعتهم ..
- أقول وش رأيكم بــ حراج بن قاسم ؟ .. والا سوق المعيقلية